Divine Aarti दिव्य आरती

ब्रह्ममुरारिसुरार्चितलिङ्गं निर्मलभासितशोभितलिङ्गम् ।
जन्मजदुःखविनाशकलिङ्गं तत् प्रणमामि सदाशिवलिङ्गम् ॥१॥
देवमुनिप्रवरार्चितलिङ्गं कामदहं करुणाकरलिङ्गम् ।
रावणदर्पविनाशनलिङ्गं तत् प्रणमामि सदाशिवलिङ्गम् ॥२॥
सर्वसुगन्धिसुलेपितलिङ्गं बुद्धिविवर्धनकारणलिङ्गम् ।
सिद्धसुरासुरवन्दितलिङ्गं तत् प्रणमामि सदाशिवलिङ्गम् ॥३॥
कनकमहामणिभूषितलिङ्गं फणिपतिवेष्टितशोभितलिङ्गम् ।
दक्षसुयज्ञविनाशनलिङ्गं तत् प्रणमामि सदाशिवलिङ्गम् ॥४॥
कुङ्कुमचन्दनलेपितलिङ्गं पङ्कजहारसुशोभितलिङ्गम् ।
सञ्चितपापविनाशनलिङ्गं तत् प्रणमामि सदाशिवलिङ्गम् ॥५॥
देवगणार्चितसेवितलिङ्गं भावैर्भक्तिभिरेव च लिङ्गम् ।
दिनकरकोटिप्रभाकरलिङ्गं तत् प्रणमामि सदाशिवलिङ्गम् ॥६॥
अष्टदलोपरिवेष्टितलिङ्गं सर्वसमुद्भवकारणलिङ्गम् ।
अष्टदरिद्रविनाशितलिङ्गं तत् प्रणमामि सदाशिवलिङ्गम् ॥७॥
सुरगुरुसुरवरपूजितलिङ्गं सुरवनपुष्पसदार्चितलिङ्गम् ।
परात्परं परमात्मकलिङ्गं तत् प्रणमामि सदाशिवलिङ्गम् ॥८॥
लिङ्गाष्टकमिदं पुण्यं यः पठेच्छिवसन्निधौ ।
शिवलोकमवाप्नोति शिवेन सह मोदते ॥
इति श्रीलिंगाष्टकस्तोत्रं संपूर्णम् ॥
                    

Brahma Murari Surarchita Lingam, Nirmala Bhasita Shobhita Lingam।
Janmaja Dukha Vinashaka Lingam, Tat Pranamami Sadashiva Lingam॥1॥
Devamuni Pravararchita Lingam, Kamadaham Karunakara Lingam।
Ravana Darpa Vinashana Lingam, Tat Pranamami Sadashiva Lingam॥2॥
Sarva Sugandhi Sulepita Lingam, Buddhi Vivardhana Karana Lingam।
Siddha Surasura Vandita Lingam, Tat Pranamami Sadashiva Lingam॥3॥
Kanaka Mahamani Bhushita Lingam, Phanipati Veshtita Shobhita Lingam।
Daksha Suyajna Vinashana Lingam, Tat Pranamami Sadashiva Lingam॥4॥
Kumkuma Chandana Lepita Lingam, Pankaja Hara Sushobhita Lingam।
Sanchita Papa Vinashana Lingam, Tat Pranamami Sadashiva Lingam॥5॥
Devaganarchita Sevita Lingam, Bhavair Bhaktibhireva Cha Lingam।
Dinakara Koti Prabhakara Lingam, Tat Pranamami Sadashiva Lingam॥6॥
Ashtadalo Pariveshtita Lingam, Sarva Samudbhava Karana Lingam।
Ashta Daridra Vinashita Lingam, Tat Pranamami Sadashiva Lingam॥7॥
Suraguru Suravara Pujita Lingam, Suravana Pushpa Sadarchita Lingam।
Paratparam Paramatmaka Lingam, Tat Pranamami Sadashiva Lingam॥8॥
Lingashtakamidam Punyam Yah Pathechchiva Sannidhau।
Shivalokamavapnoti Shivena Saha Modate॥
Iti Shree Lingashtaka Stotram Sampurnam॥