Divine Aarti दिव्य आरती

देवराजसेव्यमानपावनाङ्घ्रिपङ्कजं
व्यालयज्ञसूत्रमिन्दुशेखरं कृपाकरम् ।
नारदादियोगिवृन्दवन्दितं दिगम्बरं
काशिकापुराधिनाथकालभैरवं भजे ॥१॥
भानुकोटिभास्वरं भवाब्धितारकं परं
नीलकण्ठमीप्सितार्थदायकं त्रिलोचनम् ।
कालकालमम्बुजाक्षमक्षशूलमक्षरं
काशिकापुराधिनाथकालभैरवं भजे ॥२॥
शूलटङ्कपाशदण्डपाणिमादिकारणं
श्यामकायमादिदेवमक्षरं निरामयम् ।
भीमविक्रमं प्रभुं विचित्रताण्डवप्रियं
काशिकापुराधिनाथकालभैरवं भजे ॥३॥
भुक्तिमुक्तिदायकं प्रशस्तचारुविग्रहं
भक्तवत्सलं स्थितं समस्तलोकविग्रहम् ।
विनिक्वणन्मनोज्ञहेमकिङ्किणीलसत्कटिं
काशिकापुराधिनाथकालभैरवं भजे ॥४॥
धर्मसेतुपालकं त्वधर्ममार्गनाशकं
कर्मपाशमोचकं सुशर्मदायकं विभुम् ।
स्वर्णवर्णशेषपाशशोभिताङ्गमण्डलं
काशिकापुराधिनाथकालभैरवं भजे ॥५॥
रत्नपादुकाप्रभाभिरामपादयुग्मकं
नित्यमद्वितीयमिष्टदैवतं निरञ्जनम् ।
मृत्युदर्पनाशनं करालदंष्ट्रमोक्षणं
काशिकापुराधिनाथकालभैरवं भजे ॥६॥
अट्टहासभिन्नपद्मजाण्डकोशसन्ततिं
दृष्टिपातनष्टपापजालमुग्रशासनम् ।
अष्टसिद्धिदायकं कपालमालिकाधरं
काशिकापुराधिनाथकालभैरवं भजे ॥७॥
भूतसङ्घनायकं विशालकीर्तिदायकं
काशिवासलोकपुण्यपापशोधकं विभुम् ।
नीतिमार्गकोविदं पुरातनं जगत्पतिं
काशिकापुराधिनाथकालभैरवं भजे ॥८॥
॥ फलश्रुति ॥
कालभैरवाष्टकं पठन्ति ये मनोहरं
ज्ञानमुक्तिसाधनं विचित्रपुण्यवर्धनम् ।
शोकमोहदैन्यलोभकोपतापनाशनं
ते प्रयान्ति कालभैरवाङ्घ्रिसन्निधिं ध्रुवम् ॥
॥ इति श्रीमदाद्यशङ्कराचार्यविरचितं कालभैरवाष्टकं सम्पूर्णम् ॥
                    

Deva-raja-sevya-mana-pavananghri-pankajam,
Vyala-yajna-sutram-indu-shekharam kripa-karam ।
Naradadi-yogi-vrinda-vanditam digambaram,
Kashika-puradhi-natha-kala-bhairavam bhaje ॥1॥
Bhanu-koti-bhasvaram bhavabdhi-tarakam param,
Nila-kantham-ipsitartha-dayakam trilochanam ।
Kala-kalam-ambujaksham-aksha-shulam-aksharam,
Kashika-puradhi-natha-kala-bhairavam bhaje ॥2॥
Shula-tanka-pasha-danda-panim-adi-karanam,
Shyama-kayam-adi-devam-aksharam niramayam ।
Bhima-vikramam prabhum vichitra-tandava-priyam,
Kashika-puradhi-natha-kala-bhairavam bhaje ॥3॥
Bhukti-mukti-dayakam prashasta-charu-vigraham,
Bhakta-vatsalam sthitam samasta-loka-vigraham ।
Vinikvanan-manojna-hema-kinkini-lasat-katim,
Kashika-puradhi-natha-kala-bhairavam bhaje ॥4॥
Dharma-setu-palakam tvadharma-marga-nashakam,
Karma-pasha-mochakam susharma-dayakam vibhum ।
Svarna-varna-shesha-pasha-shobhitanga-mandalam,
Kashika-puradhi-natha-kala-bhairavam bhaje ॥5॥
Ratna-paduka-prabhabhirama-pada-yugmakam,
Nityam-advitiyam-ishta-daivatam niranjanam ।
Mrityu-darpa-nashanam karala-damshtra-mokshanam,
Kashika-puradhi-natha-kala-bhairavam bhaje ॥6॥
Attahasa-bhinna-padmajanda-kosha-santatim,
Drishti-pata-nashta-papa-jalam-ugra-shasanam ।
Ashta-siddhi-dayakam kapala-malikadharam,
Kashika-puradhi-natha-kala-bhairavam bhaje ॥7॥
Bhuta-sangha-nayakam vishala-kirti-dayakam,
Kashi-vasa-loka-punya-papa-shodhakam vibhum ।
Niti-marga-kovidam puratanam jagatpatim,
Kashika-puradhi-natha-kala-bhairavam bhaje ॥8॥
॥ Phala Shruti ॥
Kala-bhairavashtakam pathanti ye manoharam,
Jnana-mukti-sadhanam vichitra-punya-vardhanam ।
Shoka-moha-dainya-lobha-kopa-tapa-nashanam,
Te prayanti kala-bhairavanghri-sannidhim dhruvam ॥
॥ Iti Shrimadadya Shankaracharya Virachitam Kalabhairavashtakam Sampurnam ॥