Divine Aarti दिव्य आरती

॥ पद ॥
बाल समय रवि भक्षि लियो तब, तीनहुं लोक भयो अंधियारों।
ताहि सों त्रास भयो जग को, यह संकट काहु सों जात न टारो।
देवन आनि करी बिनती तब, छाड़ि दियो रवि कष्ट निवारो।
को नहिं जानत है जग में कपि, संकटमोचन नाम तिहारो॥१॥

बालि की त्रास कपीस बसै गिरि, जात महाप्रभु पंथ निहारो।
चौंकि महामुनि साप दियो तब, चाहिए कौन बिचार बिचारो।
कै द्विज रूप लिवाय महाप्रभु, सो तुम दास के सोक निवारो।
को नहिं जानत है जग में कपि, संकटमोचन नाम तिहारो॥२॥

अंगद के संग लेन गए सिय, खोज कपीस यह बैन उचारो।
जीवत ना बचिहौं हम सों जु, बिना सुधि लाए इहां पगु धारो।
हेरि थके तट सिंधु सबै तब, लाए सिया सुधि प्रान उबारो।
को नहिं जानत है जग में कपि, संकटमोचन नाम तिहारो॥३॥

रावन त्रास दई सिय को सब, राक्षसि सों कहि सोक निवारो।
ताहि समय हनुमान महाप्रभु, जाए महा रजनीचर मारो।
चाहत सीय असोक सों आगि सु, दै प्रभु मुद्रिका सोक निवारो।
को नहिं जानत है जग में कपि, संकटमोचन नाम तिहारो॥४॥

बान लग्यो उर लछिमन के तब, प्रान तजे सुत रावन मारो।
लै गृह बैद्य सुषेन समेत, तबै गिरि द्रोन सु बीर उपारो।
आनि सजीवन हाथ दई तब, लछिमन के तुम प्रान उबारो।
को नहिं जानत है जग में कपि, संकटमोचन नाम तिहारो॥५॥

रावन जुद्ध अजान कियो तब, नाग कि फांस सबै सिर डारो।
श्री रघुनाथ समेत सबै दल, मोह भयो यह संकट भारो।
आनि खगेस तबै हनुमान जु, बंधन काटि सुत्रास निवारो।
को नहिं जानत है जग में कपि, संकटमोचन नाम तिहारो॥६॥

बंधु समेत जबै अहिरावन, लै रघुनाथ पताल सिधारो।
देबिहिं पूजि भली बिधि सों बलि, देउ सबै मिलि मंत्र बिचारो।
जाय सहाय भयो तब ही, अहिरावन सैन्य समेत संहारो।
को नहिं जानत है जग में कपि, संकटमोचन नाम तिहारो॥७॥

काज किए बड़ देवन के तुम, बीर महाप्रभु देखि बिचारो।
कौन सो संकट मोर गरीब को, जो तुमसों नहिं जात है टारो।
बेगि हरो हनुमान महाप्रभु, जो कछु संकट होय हमारो।
को नहिं जानत है जग में कपि, संकटमोचन नाम तिहारो॥८॥

॥ दोहा ॥
लाल देह लाली लसे, अरु धरि लाल लंगूर।
बज्र देह दानव दलन, जय जय जय कपि सूर॥
                    

॥ Pada ॥
Baal samai ravi bhakshi liyo tab, teenahu lok bhayo andhiyaro।
Taahi so traas bhayo jag ko, yah sankat kaahu so jaat na taaro।
Devan aani kari bintee tab, chhaadi diyo ravi kasht nivaaro।
Ko nahin jaanat hai jag mein kapi, sankat mochan naam tihaaro॥1॥

Baali ki traas kapees basai giri, jaat mahaaprabhu panth nihaaro।
Chaunki mahaamuni saap diyo tab, chaahiy kaun bichaar bichaaro।
Kai dwij roop livaay mahaaprabhu, so tum daas ke sok nivaaro।
Ko nahin jaanat hai jag mein kapi, sankat mochan naam tihaaro॥2॥

Angad ke sang lain gaye siya, khoj kapees yah bain uchaaro।
Jeevat na bachihau hum so ju, bina sudhi laay ehaan pagu dhaaro।
Heri thake tat sindhu sabai tab, laay siya sudhi praan ubaaro।
Ko nahin jaanat hai jag mein kapi, sankat mochan naam tihaaro॥3॥

Raavan traas dayee siya ko sab, raakshasi so kahi sok nivaaro।
Taahi samay hanuman mahaaprabhu, jaay mahaa rajneechar maaro।
Chaahat seeya asok so aagi su, dai prabhu mudrika sok nivaaro।
Ko nahin jaanat hai jag mein kapi, sankat mochan naam tihaaro॥4॥

Baan lagyo ur lachhiman ke tab, praan taje sut raavan maaro।
Lai griha baidya sushen samet, tabai giri dron su beer upaaro।
Aani sajeevan haath dayee tab, lachhiman ke tum praan ubaaro।
Ko nahin jaanat hai jag mein kapi, sankat mochan naam tihaaro॥5॥

Raavan juddh ajaan kiyo tab, naag ki phaas sabai sir daaro।
Shree raghunaath samet sabai dal, moh bhayo yah sankat bhaaro।
Aani khages tabai hanuman ju, bandhan kaati sutraas nivaaro।
Ko nahin jaanat hai jag mein kapi, sankat mochan naam tihaaro॥6॥

Bandhu samet jabai ahiraavan, lai raghunaath pataal sidhaaro।
Debihin pooji bhali bidhi so bali, deu sabai mili mantra bichaaro।
Jaay sahaay bhayo tab hee, ahiraavan sainya samet sanhaaro।
Ko nahin jaanat hai jag mein kapi, sankat mochan naam tihaaro॥7॥

Kaaj kiye bad devan ke tum, beer mahaaprabhu dekhi bichaaro।
Kaun so sankat mor gareeb ko, jo tumso nahin jaat hai taaro।
Begi haro hanuman mahaaprabhu, jo kachhu sankat hoy hamaaro।
Ko nahin jaanat hai jag mein kapi, sankat mochan naam tihaaro॥8॥

॥ Doha ॥
Laal deh laali lase, aru dhari laal langoor।
Bajra deh daanav dalan, jai jai jai kapi soor॥