Divine Aarti दिव्य आरती

॥ दोहा ॥
जय गणेश गिरिजा सुवन, मंगल मूल सुजान।
कहत अयोध्यादास तुम, देहु अभय वरदान॥
॥ चौपाई ॥
जय गिरिजा पति दीन दयाला ।
सदा करत सन्तन प्रतिपाला ॥
भाल चन्द्रमा सोहत नीके ।
कानन कुण्डल नागफनी के ॥
अंग गौर शिर गंग बहाये ।
मुण्डमाल तन क्षार लगाए ॥
वस्त्र खाल बाघम्बर सोहे ।
छवि को देखि नाग मन मोहे ॥ 
मैना मातु की हवे दुलारी ।
बाम अंग सोहत छवि न्यारी ॥
कर त्रिशूल सोहत छवि भारी ।
करत सदा शत्रुन क्षयकारी ॥
नन्दि गणेश सोहै तहँ कैसे ।
सागर मध्य कमल हैं जैसे ॥
कार्तिक श्याम और गणराऊ ।
या छवि को कहि जात न काऊ ॥ 
देवन जबहीं जाय पुकारा ।
तब ही दुख प्रभु आप निवारा ॥
किया उपद्रव तारक भारी ।
देवन सब मिलि तुमहिं जुहारी ॥
तुरत षडानन आप पठायउ ।
लवनिमेष महँ मारि गिरायउ ॥
आप जलंधर असुर संहारा ।
सुयश तुम्हार विदित संसारा ॥ 
त्रिपुरासुर सन युद्ध मचाई ।
सबहिं कृपा कर लीन बचाई ॥
किया तपहिं भागीरथ भारी ।
पुरब प्रतिज्ञा तासु पुरारी ॥
दानिन महँ तुम सम कोउ नाहीं ।
सेवक स्तुति करत सदाहीं ॥
वेद नाम महिमा तव गाई।
अकथ अनादि भेद नहिं पाई ॥ 
प्रकटी उदधि मंथन में ज्वाला ।
जरत सुरासुर भए विहाला ॥
कीन्ही दया तहं करी सहाई ।
नीलकण्ठ तब नाम कहाई ॥
पूजन रामचन्द्र जब कीन्हा ।
जीत के लंक विभीषण दीन्हा ॥
सहस कमल में हो रहे धारी ।
कीन्ह परीक्षा तबहिं पुरारी ॥ 
एक कमल प्रभु राखेउ जोई ।
कमल नयन पूजन चहं सोई ॥
कठिन भक्ति देखी प्रभु शंकर ।
भए प्रसन्न दिए इच्छित वर ॥
जय जय जय अनन्त अविनाशी ।
करत कृपा सब के घटवासी ॥
दुष्ट सकल नित मोहि सतावै ।
भ्रमत रहौं मोहि चैन न आवै ॥ 
त्राहि त्राहि मैं नाथ पुकारो ।
येहि अवसर मोहि आन उबारो ॥
लै त्रिशूल शत्रुन को मारो ।
संकट से मोहि आन उबारो ॥
मात-पिता भ्राता सब होई ।
संकट में पूछत नहिं कोई ॥
स्वामी एक है आस तुम्हारी ।
आय हरहु मम संकट भारी ॥ 
धन निर्धन को देत सदा हीं ।
जो कोई जांचे सो फल पाहीं ॥
अस्तुति केहि विधि करैं तुम्हारी ।
क्षमहु नाथ अब चूक हमारी ॥
शंकर हो संकट के नाशन ।
मंगल कारण विघ्न विनाशन ॥
योगी यति मुनि ध्यान लगावैं ।
शारद नारद शीश नवावैं ॥ 
नमो नमो जय नमः शिवाय ।
सुर ब्रह्मादिक पार न पाय ॥
जो यह पाठ करे मन लाई ।
ता पर होत है शम्भु सहाई ॥
ॠनियां जो कोई हो अधिकारी ।
पाठ करे सो पावन हारी ॥
पुत्र हीन कर इच्छा जोई ।
निश्चय शिव प्रसाद तेहि होई ॥ 
पण्डित त्रयोदशी को लावे ।
ध्यान पूर्वक होम करावे ॥
त्रयोदशी व्रत करै हमेशा ।
ताके तन नहीं रहै कलेशा ॥
धूप दीप नैवेद्य चढ़ावे ।
शंकर सम्मुख पाठ सुनावे ॥
जन्म जन्म के पाप नसावे ।
अन्त धाम शिवपुर में पावे ॥ 
कहैं अयोध्यादास आस तुम्हारी ।
जानि सकल दुःख हरहु हमारी ॥
॥ दोहा ॥
नित्त नेम कर प्रातः ही,पाठ करौं चालीसा ।
तुम मेरी मनोकामना,पूर्ण करो जगदीश ॥
मगसर छठि हेमन्त ॠतु,संवत चौसठ जान ।
अस्तुति चालीसा शिवहि,पूर्ण कीन कल्याण ॥
                    

॥ Doha ॥
Jai Ganesh Girija suvan, mangal mul sujan।
Kahat Ayodhyadas tum, deu abhaya vardan॥
॥ Chaupai ॥
Jai Girija Pati Deen Dayala।
Sada Karat Santan Pratipala॥
Bhaal Chandrama Sohat Neeke।
Kanan Kundal Naagphani Ke॥
Ang Gaur Shir Gang Bahaye।
Mundmaal Tan Kshar Lagaaye॥
Vastra Khaal Baghambar Sohe।
Chhavi Ko Dekhi Naag Man Mohe॥
Maina Maatu Ki Have Dulaari।
Baam Ang Sohat Chhavi Nyaari॥
Kar Trishool Sohat Chhavi Bhaari।
Karat Sada Shatrun Kshaya Kaari॥
Nandi Ganesh Sohai Tahan Kaise।
Saagar Madhya Kamal Hain Jaise॥
Kaartik Shyam Aur Ganraau।
Ya Chhavi Ko Kahi Jaat Na Kaau॥
Devan Jabahin Jaay Pukaara।
Tab Hi Dukh Prabhu Aap Nivaara॥
Kiya Upadrav Taarak Bhaari।
Devan Sab Mili Tumhin Juhari॥
Turat Shadanan Aap Pathaayau।
Lavni Mesh Mahin Maari Girayau॥
Aap Jalandhar Asur Sanhaara।
Suyash Tumhaar Vidit Sansaara॥
Tripurasur San Yudh Machaai।
Sabahin Kripa Kar Leen Bachaai॥
Kiya Tapahin Bhagirath Bhaari।
Purab Pratijna Taasu Puraari॥
Daanin Mah Tum Sam Kou Naahin।
Sevak Stuti Karat Sadaahin॥
Ved Naam Mahima Tav Gaai।
Akath Anaadi Bhed Nahin Paai॥
Prakati Udadhi Manthan Mein Jwala।
Jarat Surasur Bhaye Vihaala॥
Keenhi Daya Tahan Kari Sahaai।
Neelkanth Tab Naam Kahaai॥
Poojan Ramchandra Jab Keenhaa।
Jeet Ke Lank Vibhishan Deenhaa॥
Sahas Kamal Mein Ho Rahe Dhaari।
Keenh Pariksha Tabahin Puraari॥
Ek Kamal Prabhu Raakheu Joi।
Kamal Nayan Poojan Chahen Soi॥
Kathin Bhakti Dekhi Prabhu Shankar।
Bhae Prasann Diye Ichchhit Var॥
Jai Jai Jai Anant Avinaashi।
Karat Kripa Sab Ke Ghatvaasi॥
Dusht Sakal Nit Mohi Sataavai।
Bhramat Rahun Mohi Chain Na Aavai॥
Traahi Traahi Main Naath Pukaaaro।
Yehi Avasar Mohi Aan Ubaaaro॥
Lai Trishool Shatrun Ko Maaro।
Sankat Se Mohi Aan Ubaaaro॥
Maat-Pita Bhraata Sab Hoi।
Sankat Mein Poochhat Nahin Koi॥
Swami Ek Hai Aas Tumhaari।
Aay Harahu Mam Sankat Bhaari॥
Dhan Nirdhan Ko Det Sada Hi।
Jo Koi Jaanche So Phal Paahi॥
Aastuti Kehi Vidhi Karain Tumhaari।
Kshamahu Naath Ab Chook Hamaari॥
Shankar Ho Sankat Ke Naashan।
Mangal Kaaran Vighn Vinaashan॥
Yogi Yati Muni Dhyaan Lagaavai।
Sharad Narad Sheesh Nawaavai॥
Namo Namo Jai Namah Shivaaya।
Sur Brahmadik Paar Na Paaya॥
Jo Yah Paath Kare Man Laai।
Ta Par Hot Hai Shambhu Sahaai॥
Riniyan Jo Koi Ho Adhikaari।
Paath Kare So Paavan Haari॥
Putra Heen Kar Ichchha Joi।
Nischay Shiv Prasaad Tehi Hoi॥
Pandit Trayodashi Ko Laave।
Dhyaan Poorvak Hom Karaave॥
Trayodashi Vrat Karai Hamesha।
Taake Tan Nahin Rahai Kalesha॥
Dhoop Deep Naivedya Chadhaave।
Shankar Sammukh Paath Sunaave॥
Janm Janm Ke Paap Nasaave।
Ant Dhaam Shivpur Mein Paave॥
Kahain Ayodhyadas Aas Tumhaari।
Jaani Sakal Dukh Harahu Hamaari॥
॥ Doha ॥
Nitt Nem Kar Praatah Hi, Paath Karau Chaalisa।
Tum Meri Manokamna, Poorn Karo Jagdish॥
Magasar Chhathi Hemant Ritu, Samvat Chausath Jaan।
Aastuti Chaalisa Shivahi, Poorn Keen Kalyaan॥